Singapore Changi விமான நிலையத்தில் சட்டவிரோத செயல்களில் ஈடுபட்டதால் ஒன்பது வெளிநாட்டவர்கள் நாடுகடத்தப்பட்டுள்ளனர், மேலும் அவர்கள் மீண்டும் சிங்கப்பூருக்கு வர தடைசெய்யப்பட்டுள்ளனர்.
30 முதல் 48 வயதிற்குட்பட்ட சந்தேகநபர்கள், தங்களது சொந்த நாட்டினரைத் தொடர்பு கொண்டு தங்கம் மற்றும் கைபேசிகளை வெளிநாடு கொண்டு செல்லுமாறு கேட்டுக்கொண்டதாக கூறப்படுகிறது. பரிசு தொகையாக பணம் வழங்கப்படும் என அவர்கள் வாக்களித்தனர்.
இது குறித்து காவல் துறை, குடிவரவு மற்றும் சோதனை ஆணையம் (ICA), மனிதவள அமைச்சகம் (MOM) மற்றும் சாங்கி விமான நிலைய குழுமம் மார்ச் 30 அன்று வெளியிட்ட கூட்டு அறிக்கையில் தெரிவித்துள்ளனர்.
அவர்கள் எந்த நாட்டைச் சேர்ந்தவர்கள் அல்லது எப்போது நாடு கடத்தப்படுவார்கள் என்பதை அதிகாரிகள் தெரிவிக்கவில்லை.
மார்ச் 22 அன்று நடத்தப்பட்ட கூட்டு சோதனையின் பின்னர், இவர்கள் மீது விசாரணை நடத்தப்பட்டது. அவர்களில் எட்டுப் பேரின் வேலை அனுமதி அல்லது S-Pass ரத்து செய்யப்பட்டன, மற்றொருவரின் குறுகிய கால அனுமதி இரத்து செய்யப்பட்டது. குறுகிய கால அனுமதி பெற்றவர்கள் சிங்கப்பூருக்கு சுற்றுலா, மருத்துவ சிகிச்சை அல்லது சமூக சந்திப்பு போன்ற காரணங்களுக்காக மட்டும் வரலாம், வேலை செய்ய அனுமதி இல்லை.
அந்நியர்களுக்கான பொருட்களை எடுத்துச் செல்ல வேண்டாம் என்று அதிகாரிகள் எச்சரித்தனர், ஏனெனில் இது சட்ட சிக்கல் அல்லது சட்டவிரோத செயல்களில் ஈடுபட வழிவகுக்கும்.
கடந்த அக்டோபரில் இதேபோன்று தடையை மீறி விமான நிலையத்திற்குள் நுழைந்து ஒருவரிடம் தங்கம் கொண்டு செல்லச் சொன்னதற்காக ஆறு நாட்கள் சிறையில் அடைக்கப்பட்டார்.
