லேக்சைட் பகுதியில் உள்ள பிளாக் 338A தா சிங் ரோடில் நவம்பர் 27 அன்று நடந்த சம்பவத்தில், ஒருவரின் கை சமையலறை சிங்க் குழாயில் சிக்கிக் கொண்டது.
மதியம் 1.35 மணியளவில் வந்த அவசர அழைப்பை தொடர்ந்து SCDF அதிகாரிகள் உடனே இடத்திற்கு சென்றனர். அங்கு சென்றபோது அந்த நபரின் இடது கை முழுவதும் சிங்க் கீழே உள்ள குழாயில் மாட்டிக் கொண்டிருந்தது கண்டுபிடிக்கப்பட்டது.
அவரை பாதுகாப்பாக மீட்க, மீட்புக்குழுவினர் இரண்டு வீடுகளில் இருந்து பணியாற்றினர். அந்த நபரின் வீட்டில் சிங்க் மற்றும் அலமாரிகள் அகற்றப்பட்டு, குழாயை அணுகும் இடம் உருவாக்கப்பட்டது. கீழ்தள வீட்டில், குழாயின் ஒரு பகுதி வெட்டப்பட்டு கை எவ்வாறு சிக்கியது என்பதை மீட்புக் குழுவினர் புரிந்துகொண்டனர்.
பின்னர் லூப்ரிகேண்ட் பயன்படுத்தி கையை மெதுவாக விடுவித்தனர். Ng Teng Fong மருத்துவமனையின் மருத்துவர்கள் அங்கிருந்தே மருத்துவ உதவி அளித்தனர். சுமார் இரண்டு மணி நேர மீட்புப் பணிக்குப் பிறகு அவரது கை பாதுகாப்பாக வெளியே எடுக்கப்பட்டது. அவர் முழு நேரமும் சுயநினைவுடன் இருந்தார்; மேல் சிகிச்சைக்காக தேசியப் பல்கலைக்கழக மருத்துவமனைக்கு கொண்டு செல்லப்பட்டார்.
