ECP-யில் டிரெய்லர் மோதியதால் மரக்கிளை விழுந்து விபத்து மூவர் மருத்துவமனைக்கு கொண்டு செல்லப்பட்டனர்.

நவம்பர் 29 மதியம் ECP விரைவுச் சாலையில் நடந்த விபத்தில், ஒரு டிரெய்லர் மரத்தில் மோதியதால் பெரிய கிளைகள் உடைந்து பல கார்களின் மீது விழுந்தன. இந்த சம்பவம் Fort Road வெளியேறும் இடத்துக்கு அருகில் மதியம் 1.35 மணியளவில் நடந்தது.

ஒரு டிரெய்லரும் ஐந்து கார்களும் இதில் சிக்கின. 71 வயது ஓட்டுநர், அவரது 32 வயது பயணி மற்றும் 70 வயதான மற்றொரு ஓட்டுநர் மருத்துவமனைக்கு கொண்டு செல்லப்பட்டனர். மேலும் இருவருக்கு லேசான காயம் இருந்தாலும், அவர்கள் மருத்துவமனைக்குச் செல்ல மருப்புத்தெரிவித்தனர்.

சம்பவ இடத்தில் எடுக்கப்பட்ட புகைப்படங்கள் மற்றும் வீடியோக்களில், பல கார்கள் கடுமையாக சேதமடைந்திருந்தன. ஒரு பெரிய மரக்கிளை சிவப்பு காரின் முன்கண்ணாடி மற்றும் கூரையை உடைத்தது. பச்சை நிற கார் மற்றும் சாம்பல் நிற கார் ஆகியவையும் பாதிக்கப்பட்டன. பாதுகாப்பு உடைகள் அணிந்த பணியாளர்கள் விழுந்த கிளைகள் மற்றும் இலைகளை அப்புறப்படுத்தினர். போக்குவரத்து அதிகாரிகள் சாலைப்பகுதியை கட்டுப்படுத்த உதவினர்,

முதற்கட்ட தகவலின்படி, டிரெய்லர் மரக்கிளையை மோதி உடைத்ததே இந்த விபத்திற்குக் காரணம். கிளைகள் சாலையில் விழுந்து வாகனங்களுக்கு சேதம் ஏற்பட்டது. சம்பவத்திற்கான போலீஸ் விசாரணை நடைபெற்று வருகிறது.