ஹாலந்து கிளோஸ் அடுக்குமாடி வீட்டில் தீ விபத்து நால்வர் மருத்துவமனையில் 100 பேர்வெளியேற்றம்!

ஜூன் 19 மாலை சிங்கப்பூரின் ஹாலந்து கிளோஸ் பகுதியில் உள்ள பிளாக் 5-ன் 23வது மாடியில் தீ விபத்து ஏற்பட்டது. இந்த சம்பவத்தில், இரண்டு குடியிருப்பாளர்கள் மற்றும் இரண்டு தீயணைப்பு வீரர்கள் மருத்துவமனைக்கு அனுப்பப்பட்டனர்.

படுக்கை அறையில் திடீரென ஏற்பட்ட தீ Alexandra தீயணைப்பு நிலைய வீரர்களால் தண்ணீர் குழாய்கள் மூலம் கட்டுப்படுத்தப்பட்டது. வீட்டு மற்ற பகுதிகள் புகை மற்றும் வெப்பத்தால் சேதமடைந்தன.

தீயிலிருந்து வெளியே வந்த இருவர் புகை மூச்சுத்திணறலுக்கு சிகிச்சை பெறுவதற்காக Singapore General Hospital-க்கு கொண்டு செல்லப்பட்டனர்.

தீயணைப்பு பணியின் போது, வெப்ப சோர்வால் பாதிக்கப்பட்ட இரண்டு வீரர்களில் ஒருவர் SGH-க்கும் மற்றவர் National University Hospital-க்கும் அனுப்பப்பட்டனர்.

சம்பவத்தை நேரில் பார்த்தவர்கள் புகை வெளியேறுவதை பார்த்ததாக கூறினர். பாதுகாப்புக்காக போலீசார் அந்த இடத்தை சுற்றிவளைத்து, பிளாக்கிலிருந்த சுமார் 100 பேரை அருகிலுள்ள புட்சால் மைதானத்துக்கு இடம்பெயர்த்தனர்.

அங்கு அனைவரும் பாதுகாப்பாக உள்ளதா என கணக்கெடுப்பு நடந்தது. தீ விபத்தின் காரணம் இன்னும் விசாரணையில் உள்ளது.