42 வயது இந்திய நபர், மதுபானம் அருந்தி விமானத்தில் குழப்பம் ஏற்படுத்தியதாக சிங்கப்பூரின் சாங்கி விமான நிலையத்தில் கைது செய்யப்பட்டார்.
அவர் சக பயணியைக் பிடித்து, முன்புற இருக்கையை பலவந்தமாக தள்ளினார் பின்னர் ஒரு விமான பணியாளரை கொலை செய்வதாக மிரட்டினார்.
இந்த சம்பவம் பிப்ரவரி 27 ஆம் தேதி நடந்ததாகக் கூறப்படுகிறது, மற்றும் அதிகாரிகள் மாலை 6:55 மணிக்கு தகவல் பெற்றனர். எந்த விமான நிறுவனம் மற்றும் எந்த இடத்திலிருந்து பயணம் தொடங்கியது என்பதற்கான தகவல் குறிப்பிடப்படவில்லை.
விமான பணியாளர்கள் அவரை அமைதிப்படுத்த முயன்றபோது, அவர் மேலும் மூர்க்கமாக நடந்துகொண்டார், ஒரு பணியாளரின் கையை பிடித்து மிரட்டினார்.
அவர் தொடர்ந்து பிரச்சனை செய்தால், விமானம் திரும்பிச் செல்லும் எனக் கூறப்பட்டது. அதன் பிறகு அவர் அமைதியாக நடந்துகொண்டாலும், விமானம் தரையிறங்கும் வரை கட்டுப்படுத்தப்பட்டிருந்தார். பின்னர் சிங்கப்பூர் போலீசார் அவரை கைது செய்தனர்.
அவர் மூன்று குற்றச்சாட்டுகளை எதிர்கொண்டுள்ளார்: ஒருவர் மீது பலவந்தமாக கை வைப்பது, மிரட்டல் விடுப்பது மற்றும் விமானத்தில் மதுபோதையில் மோசமாக நடப்பது.
குற்றம் நிரூபிக்கப்பட்டால், அவருக்கு சிறைத்தண்டனை, அபராதம் அல்லது இரண்டும் விதிக்கப்படலாம். அவரது நீதிமன்ற விசாரணை ஏப்ரல் 1ஆம் தேதி நடைபெற உள்ளது.
ஆதாரம் /8world news
