பழம்பெரும் நடிகை சிஐடி சகுந்தலா (84) உடல்நலக்குறைவு மற்றும் வயது மூப்பு காரணமாக காலமானார். 1960ல் “கைதி கண்ணாயிரம்” படம் மூலம் சினிமாவில் நுழைந்த அவர், “சிஐடி சங்கர்” படத்தில் நடித்ததன் மூலம் “சிஐடி சகுந்தலா” என புகழடைந்தார்.
சேலத்தில் இருந்து சென்னைக்கு வந்து நாடகங்களில் நடிக்க ஆரம்பித்த சகுந்தலா, பின்னர் பல புகழ்பெற்ற திரைப்படங்களில் நடித்தார். சிவாஜியின் “படிக்காத மேதை” படத்தில் அவர் நடித்த கதாபாத்திரம் பெரிதும் பேசப்பட்டது.
சில ஆண்டுகளாக பெங்களூருவில் தனது மகளுடன் வசித்து வந்த சகுந்தலா, கடந்த இரவு மூச்சுத் திணறல் காரணமாக மருத்துவமனைக்கு அழைத்துச் செல்லப்பட்டார், ஆனால் சிகிச்சை பலனின்றி உயிரிழந்தார்.
