களைகட்டிய சிங்கப்பூர் கிறிஸ்துமஸ் கொண்டாட்டங்களும் மற்றும் பிரதமர் லீயின் கிறிஸ்துமஸ் வாழ்த்தும்!

சிங்கப்பூரில் கிறிஸ்துமஸ் கொண்டாட்டங்கள் களைகட்டியுள்ளன. கிறிஸ்துமஸ் பண்டிகையையொட்டி சிங்கப்பூரில் உள்ள அனைத்து தேவாலயங்களிலும் வண்ண மின்விளக்குகளால் அலங்கரிக்கப்பட்டிருப்பது அனைவரையும் வெகுவாகக் கவர்ந்தது.

தேவாலயங்களில் நள்ளிரவில் சிறப்பு பிரார்த்தனையும், சிறப்பு திருப்பலியும் நடைபெற்றது. இந் நிகழ்வில் சிங்கப்பூர் மக்கள் மட்டுமின்றி, வெளிநாட்டு சுற்றுலாப் பயணிகளும் கலந்து கொண்டனர். இயேசு பிறப்பை தேவலங்களில் மக்கள் கேக் வெட்டிக் கொண்டாடினர். அதைத் தொடர்ந்து, கேக் அனைவருக்கும் பகிர்ந்தளிக்கப்பட்டது.

கிறிஸ்துவர்கள் அனைவருக்கும் பிரதமர் லீ சியன் லூங் கிறிஸ்துமஸ் திருநாள் வாழ்த்துகளைத்
தெரிவித்துக்கொள்கிறார்.

சிங்கப்பூரில் செயல்பட்டு வரும் தன்னார்வ அமைப்புகள், வெளிநாட்டு ஊழியர்களுடன் கிறிஸ்துமஸ் பண்டிகையைக் கொண்டாடினர். வெளிநாட்டு ஊழியர்களுக்கு கிறிஸ்துமஸ் பரிசுகளை வழங்கி அவர்களை உற்சாகப்படுத்தினர்.

அதேபோல், ஒருவருக்கொருவர் கிறிஸ்துமஸ் தின வாழ்த்துக்களைத் தெரிவித்துக் கொண்டனர்.