குறைந்த வருமானம் பெறும் தொழிலாளர்களின் சம்பளம் அதிகமாக உயர்ந்துள்ளதாக மூத்த அமைச்சர் ஜாக்கி முகமட் தெரிவித்தார்.

சராசரி ஊழியர்களை விட குறைந்த வருவாய் பெறும் தொழிலாளர்களின் சம்பளம் அதிகமாக உயர்ந்துள்ளது. இவர்களில் துப்புரவாளர்கள், பாதுகாவலர்கள், மற்றும் சில்லறை விற்பனைத் தொழிலாளர்கள் உள்ளனர்.

இந்த சம்பள உயர்வு அவர்களுக்காக மேற்கொண்ட முயற்சிகள் வெற்றியாக முடிந்ததை காட்டுகிறது.

மனிதவள மூத்த துணை அமைச்சர் ஸாக்கி முகம்மது, மார்ச் 7ஆம் தேதி நாடாளுமன்றத்தில் பேசும் போது, கடந்த மூன்று ஆண்டுகளில் குறைந்த வருமான ஊழியர்களின் சம்பளம் அதிக அளவில் உயர்ந்ததாக கூறினார்.

2019 முதல் 2024 வரை, அவர்களின் சம்பளம் ஆண்டு ஒன்றுக்கு சராசரியாக 5.9% உயர்ந்துள்ளதாம், மற்ற ஊழியர்களின் சம்பள உயர்வு 3.6% ஆக இருந்தது.

இது, வாழ்க்கைச் செலவு அதிகரித்திருந்தாலும், குறைந்த வருமானம் பெறும் தொழிலாளர்களின் சம்பளம் அதைவிட அதிகமாக உயர்ந்துள்ளதை காட்டுகிறது.

மேலும், இந்த சம்பள திட்டத்தால் குறைந்த வருமான ஊழியர்களுக்கும் மற்ற ஊழியர்களுக்கும் உள்ள வித்தியாசம் குறைந்து வருவதாக அமைச்சர் குறிப்பிட்டார்.

2014ஆம் ஆண்டு துப்புரவுத் தொழிலாளர்களுக்காக தொடங்கிய இந்த திட்டம், பின்னர் பாதுகாப்பு, சில்லறை விற்பனை, உணவு, பானம் மற்றும் கழிவு நிர்வாகத் துறைகளுக்கு விரிவுபடுத்தப்பட்டது.

இதில் இணையாத தொழிலாளர்களின் முதலாளிகள், குறைந்தபட்ச சம்பள நிலையை பின்பற்ற வேண்டும் என சட்டம் ஏற்படுத்தப்பட்டுள்ளது.