ஜோகூர் மாநிலம், உலு திராம் பகுதியில் உள்ள காவல் நிலையத்தில் அதிகாலை நேரத்தில் நடந்த தாக்குதலை அடுத்து, சிங்கப்பூர் தனது துவாஸ் மற்றும் உட்லண்ட்ஸ் சோதனைச் சாவடிகளில் பாதுகாப்பை அதிகரித்துள்ளது.
அச்சுறுத்தல் அதிகரித்துள்ளதாலும், மலேசிய காவல்துறை பல ஜமாஅத்து இஸ்லாமியா உறுப்பினர்களைத் தேடி வருவதாலும், சோதனைச் சாவடிகள் உட்பட பல இடங்களில் பாதுகாப்பு நடவடிக்கைகள் தீவிரப்படுத்தப்பட்டுள்ளதாக உள்துறை அமைச்சகம் தெரிவித்துள்ளது.
இந்த நடவடிக்கைகளில் அதிக கண்காணிப்பு மற்றும் பயணிகள் மீதான சோதனைகள் தீவிரப்படுத்தப்படுவதால், தாமதங்கள் ஏற்பட வாய்ப்புள்ளது.
பயணிகள் குடிவரவு அனுமதிக்கு கூடுதல் நேரம் ஒதுக்குமாறு அமைச்சகம் அறிவுறுத்துகிறது.
