சிங்கப்பூர் சாரணர் சங்கம் 2,902 சாரணர்கள் மூலம் ‘மூன்றிலை’ வடிவத்தை உருவாக்கி சாதனை புரிந்தது!
சிங்கப்பூர் சாரணர் சங்கத்தைச் சேர்ந்த 2,902 சாரணர்கள், சோ சு காங் விளையாட்டரங்கில் ஒன்றுகூடி, சாரணர்களின் சின்னமான ‘மூன்றிலை’ வடிவத்தை உருவாக்கினர். சிங்கப்பூரின் அதிபர் திரு.தர்மன் சண்முகரத்தினமும் இந்த நிகழ்வில் பங்கேற்றார்.
இந்த முயற்சியின் பலனாக, சிங்கப்பூர் சாதனைப் புத்தகத்தில் இடம் பிடிக்கும் சான்றிதழை சிங்கப்பூர் சாரணர் சங்கம் பெற்றுள்ளது. “அடிஜி (வரவேற்பு) தலைமை சாரணர்” என்ற இந்த சிறப்பு நிகழ்வில், 3,000க்கும் மேற்பட்ட சாரணர்கள் திரு.தர்மனை சிங்கப்பூரின் 9வது தலைமை சாரணராக வரவேற்றனர். சிங்கப்பூரின் அரசுத் தலைவர், தலைமைச் சாரணராகவும் பொறுப்பேற்பது மரபாக உள்ளது.
‘மூன்றிலை’ வடிவம் உலகெங்கிலும் உள்ள சாரணர்களுக்கு ஒரு முக்கியமான சின்னமாகும். இது உலகை மேம்படுத்த சரியான பாதையைக் கண்டறிவதைக் குறிக்கிறது. இந்த நிகழ்வு, சாரணத்தின் நிறுவனர் லார்ட் பேடன்-பவலை உலகெங்கிலும் உள்ள சாரணர்கள் நினைவுகூறும் நிறுவனர் தினத்துடன் நடைபெற்றது. சாதனை படைப்பதோடு பல்வேறு திறமைகளை சாரணர்கள் வெளிக்காட்டினர். விளையாட்டுகள் மற்றும் செயல்பாடுகளுடன் ஒரு சுவாரஸ்யமான திருவிழாவும் நடந்தது. சிங்கப்பூர் சாரணர் சங்கம் 1910 முதல் செயல்பட்டு வருகிறது. உலகளவில் சுமார் 57 மில்லியன் சாரணர்களைக் கொண்ட உலகளாவிய சாரண இயக்கத்தின் (WOSM) ஒரு பகுதியாகும்
image the straits times
