சிங்கப்பூரின் சைனாடவுனில் மார்ச் 13 ஆம் தேதி லாரியில் இருந்த கிரேன் மேம்பாலத்தில் மோதியதில் ஓட்டுநர் கைது செய்யப்பட்டார்.
இந்த விபத்து யூ டோங் சென் தெருவில் ஹில் தெருவை நோக்கி காலை 11:10 மணியளவில் நடந்தது. 46 வயதான லாரி ஓட்டுநருக்கு காயங்கள் ஏற்பட்டன, ஆனால் அவர் மருத்துவமனைக்கு செல்ல மறுத்துவிட்டார்.
அனுமதிக்கப்பட்ட 4.5 மீட்டர் உயர வரம்பை மீறிய கனரக வாகனத்தை, போலீஸ் அதிகாரி அல்லது துணை போலீஸ் அதிகாரி உடன் இல்லாமல் இயக்கியதற்காக ஓட்டுநர் கைது செய்யப்பட்டார்.
‘கே.எச் வேஸ்ட் ஹாலேஜ் சர்வீசஸ்’ நிறுவனத்திற்குச் சொந்தமான லாரி பலத்த சேதமடைந்துள்ளது. அதன் முன் கண்ணாடி உடைந்து, பொருட்கள் சாலையில் சிதறிக் கிடந்தன.
சம்பவ இடத்தை நேரில் பார்த்தவர்கள், பெரிய சத்தம் கேட்டதையும், ஓட்டுனர் வலியால் துடித்தபடி வாகனத்தை விட்டு இறங்கியதையும் விவரித்தனர்.
காவல்துறையினர் ஓட்டுநரை சம்பவ இடத்திலேயே கைது செய்தனர். லாரி ஒரு பக்கமாக சாய்ந்ததையும், ஓட்டுனர் காயமடைந்ததையும் நேரில் பார்த்தவர்கள் தெரிவித்தனர்.
விபத்து குறித்து தொடர்ந்து விசாரணை நடைபெற்று வருகிறது.
image The new paper
