அரசியலில் களமிறங்கியதால் தனது கடைசி படமாக விஜய் அறிவித்துள்ள 69ஆவது படத்தின் முதல் பார்வை போஸ்டர் இன்று வெளியாகியது.
ஹெச். வினோத் இயக்கியுள்ள இப்படத்தில், அனிமல் பட வில்லன் பாபி தியோல், பீஸ்ட் படத்தில் விஜய்யுடன் நடித்த பூஜா ஹெக்டே, பிரேமலு பட நடிகை மமிதா பைஜு மற்றும் கௌதம் வாசுதேவ் மேனன் உள்ளிட்டோர் நடித்துள்ளனர். அனிருத் இசையமைக்கும் இப்படத்தை கேவிஎன் புரொடக்ஷன்ஸ் நிறுவனம் தயாரிக்கிறது. படத்தின் 70% படப்பிடிப்பு முடிந்துவிட்டதாக தயாரிப்பாளர்கள் தெரிவித்துள்ளனர்.
தளபதி 69 ஒரு கமர்சியல் மற்றும் அரசியல் கலந்த திரைப்படமாக இருக்கும் என இயக்குநர் வினோத் கூறியிருந்தார். படத்திற்கு ஜனநாயகன் என பெயரிடப்பட்டுள்ள நிலையில், விஜய் தனது ரசிகர்களுடன் எடுத்த புகழ்பெற்ற நெய்வேலி செல்பியை ஒத்த போஸ்டரை படக்குழு வெளியிட்டுள்ளது.
