மத்திய இந்தோனேசியாவில், ஒரு பெண் முழுமையாக பாம்பால் விழுங்கப்பட்டு இறந்தார். இந்த மாதத்தில் இப்பிரதேசத்தில் இது இரண்டாவது சம்பவமாகும்.
36 வயதான சிரியாடி மகனுக்கு மருந்து வாங்க வீட்டைவிட்டு வெளியே சென்றபின் காணாமல் போனார். அவரது கணவர் அவரது செருப்புகள் மற்றும் கால்சட்டையை வீட்டுக்கு அருகே கண்டுபிடித்தார், அருகில் ஒரு பெரிய பாம்பும் பெரிய வயிற்றுடன் இருப்பதை கண்டனர் .
உள்ளூர் காவல் துறைத் தலைவர் கூறுகையில், கிராம மக்கள் பாம்பின் வயிற்றை வெட்டி சிரியாாட்டியின் உடலை கண்டுபிடித்தனர். இப்படி நிகழ்வுகள் அரிதானவையென்று கருதப்பட்டாலும், சமீபத்திய சில ஆண்டுகளில் பலர் பாம்பால் விழுங்கப்பட்டுள்ளனர்.
கடந்த மாதம், மற்றொரு பெண் இதே பிரதேசத்தில் பாம்பின் வயிற்றில் இறந்த நிலையில் கண்டுபிடிக்கப்பட்டார்.
முந்தைய ஆண்டுகளில், இதே போன்ற துயர நிகழ்வுகள் நடந்துள்ளன. 2018-ஆம் ஆண்டு, ஒரு பெண் ஏழு மீட்டர் நீளமான பாம்பின் வயிற்றில் கண்டுபிடிக்கப்பட்டார், மேலும் 2017-ஆம் ஆண்டு, ஒரு விவசாயி நான்கு மீட்டர் நீளமான பாம்பால் விழுங்கப்பட்டார். இந்த சம்பவங்கள் இப்பகுதியில் பெரிய மலைப்பாம்புகளின் அபாயங்களை எடுத்துக்காட்டுகின்றன.
