மலேசிய குடிமகன், சிங்கப்பூரில் சட்டவிரோத பணப் பரிமாற்றம் 10 மாதங்கள் சிறை.

0

மலேசியாவைச் சேர்ந்த வோங் ஜியா ஹாவோ, சர்வதேச குற்றச் செயல் குழுவொன்றுக்கு உதவியதற்காக 10 மாதங்கள் சிறைத்தண்டனை விதிக்கப்பட்டுள்ளார்.

ஜோகூர் பாருவில் மதுக்கடை ஊழியராக வேலை பார்த்த வோங், சிங்கப்பூரிலுள்ள ஏடிஎம் இயந்திரங்களில் இருந்து பணத்தை எடுத்து தருவதற்காக அவருடைய முதலாளியால் இத்திட்டத்தில் இணைத்துக் கொள்ளப்பட்டார்.

இவரது இந்தச் செயலுக்காக மூன்று அல்லது நான்கு முறைக்கு மேல் சிங்கப்பூருக்குள் வந்து, ஒவ்வொரு முறையும் RM200 முதல் RM400 வரை கடன் அடைக்கவும் பணம் ஈட்டவும் சம்பாதித்துள்ளார்.

2023 ஆம் ஆண்டு செப்டம்பர் 28 ஆம் தேதி, வோங் மற்றொரு நபரான முஹம்மது அஸிஸி அஸ்ரோய் அப்த் மனான் என்பவருடன் சிங்கப்பூருக்குள் நுழையுமாறு அறிவுறுத்தப்பட்டுள்ளார்.

பார்க்வே பரேட் பகுதியிலுள்ள ஒரு ஏடிஎம் இயந்திரத்திலிருந்து $13,000 பணத்தை எடுக்க அப்போது முயன்றனர். ஆனால், பரிவர்த்தனையின் போது $8,000 காணாமல் போயுள்ளது.

பின்னர் வோங் $4,400 பணத்தை எடுத்து, பென்டிமீர் வில்லேயில் வோ தி மோன் தம் என்ற நபரிடம் ஒப்படைத்துள்ளார். அப்பணம் பின்னர் மறைகுறியாக்க நாணயங்களாக (cryptocurrency) மாற்றப்பட்டுள்ளது.

முதலில் கைது நடவடிக்கையிலிருந்து தப்பித்த போதிலும், அக்டோபர் 31, 2023 அன்று, மற்றொரு ஏடிஎம் பரிவர்த்தனை முயற்சியில் ஈடுபட்டபோது வோங் சிங்கப்பூரின் வூட்லண்ட்ஸ் சோதனைச் சாவடியில் கைது செய்யப்பட்டார்.

பல்வேறு பணிகளை செய்யும் குழுவினரைக் கொண்ட இந்தக் குற்றச் செயல் அமைப்பு மிகவும் நுட்பமாக செயல்பட்டதாக அரசு தரப்பு வழக்கறிஞர்கள் சுட்டிக்காட்டினர்.

மேலும், சிங்கப்பூரின் நிதி அமைப்புகளை முறைகேடாக பயன்படுத்தி வரும் இதுபோன்ற குழுக்கள் வெறும் தனி நபர்களால் செய்யப்படும் குற்றங்கள் அல்ல.

கணினி தீங்கு விளைவிக்கும் இதுபோன்ற குற்றங்களில் பணத்தை கடத்துபவர்களை ஈடுபடுத்தும் செயல் 2023 ஆம் ஆண்டின் முக்கிய கவலைகளில் ஒன்றாக இருந்தது.

ஏறக்குறைய 1,899 வழக்குகள் பதிவாகி, $34.1 மில்லியன் இழப்பு ஏற்பட்டதும் குறிப்பிடத்தக்கது.

Leave A Reply

Your email address will not be published.