பெடோக்கில் மார்ச் 26 ஆம் தேதி தனியார் பேருந்து ஒன்று, ஓட்டுநர் இல்லாமல் நகர்ந்து, சாலை நடுவில் உள்ள தடுப்பை உடைத்து மரத்தில் மோதியது.
இந்த விபத்தையடுத்து, குடித்துவிட்டு வாகனம் ஓட்டியதாக சந்தேகத்தின் பேரில் பேருந்து ஓட்டுநர் கைது செய்யப்பட்டார். இந்த சம்பவம் பெடோக் நார்த் அவென்யூ 2-இல் காலை 9:30 மணியளவில் நடந்தது.
33 வயதான சிங்கப்பூரைச் சேர்ந்த அந்த ஓட்டுநர் காவல்துறையினரால் கைது செய்யப்பட்டார்.
பேருந்தின் பின்னால் வாகனம் ஓட்டி வந்த திரு. ஹான் என்ற சாட்சியின் கூற்றுப்படி, ‘Heartbeat Bedok’ அருகில் ஓட்டுநர் பேருந்தை விட்டு இறங்கினார்.
ஓட்டுனரின்றி, பேருந்து மெதுவாக முன்னோக்கி நகரத் தொடங்கியது. இறுதியில் சாலையின் நடுவில் உள்ள தடுப்பில் மோதி, பின்னர் மரத்தையும் தாக்கியது.
மோதிய பிறகு, ஓட்டுநர் பேருந்துக்குள் திரும்பி வந்து, சிறிது நேரம் தவறான திசையில் பேருந்தை இயக்கினார். அதன்பின், அதை சரியான பக்கத்தில் நிறுத்தினார்.
சிங்கப்பூர் கோச் சர்வீசஸ் நிறுவனத்திற்குச் சொந்தமான அந்தப் பேருந்து, காலை 10:40 மணியளவில் விபத்து நடந்த இடத்திற்கே போக்குவரத்துக் காவல்துறையினரால் கொண்டு வரப்பட்டது.
இந்த சம்பவத்திற்கு சில நாட்களுக்கு முன்புதான் பணியமர்த்தப்பட்ட ஓட்டுநர், பேருந்திற்குள் வைத்து விசாரிக்கப்பட்டார்.
பின்னர் அவர் கைவிலங்கு மாட்டப்பட்டு காவல்துறையினரால் அழைத்துச் செல்லப்பட்டார். காவல்துறையின் விசாரணை தொடர்கிறது.
image the straits times
