உலகின் தலைசிறந்த வணிகச் சூழலைக் கொண்ட நாடாக சிங்கப்பூர் மீண்டும் ஒருமுறை தேர்வு செய்யப்பட்டுள்ளது.
‘எகனாமிஸ்ட் இன்டலிஜென்ஸ் யூனிட்’ நடத்திய இந்த ஆய்வில், 91 குறிகாட்டிகளின் அடிப்படையில் 82 நாடுகள் மதிப்பிடப்பட்டன.
அடுத்த ஐந்து ஆண்டுகளிலும் சிங்கப்பூர் தனது வலுவான வணிகச் சூழலைத் தக்கவைத்துக் கொள்ளும் என்று எதிர்பார்க்கப்படுகிறது. டென்மார்க், அமெரிக்கா ஆகிய நாடுகள் இரண்டாம், மூன்றாம் இடங்களைப் பிடித்துள்ளன.
சிங்கப்பூரின் இந்தத் தொடர் வெற்றிக்கு அதன் வலுவான உள்கட்டமைப்பு வசதிகள், தெளிவான வரையறைகள், மற்றும் ஆசிய பசிபிக் பகுதியில் அமைந்துள்ள சிறப்பான புவியியல் இருப்பிடம் ஆகியவை காரணங்களாக அமைகின்றன.
வியட்நாம் சமீபத்திய தரவரிசையில் குறிப்பிடத்தக்க முன்னேற்றத்தைக் காட்டியுள்ளது. மாறும் விதிமுறைகள் மற்றும் அதிகரித்து வரும் செலவுகள் காரணமாக சீனாவின் மதிப்பெண் சரிந்துள்ளது.
கிரீஸ், அர்ஜென்டினா மற்றும் இந்தியா ஆகியவை தங்கள் வணிகச் சூழலை மேம்படுத்தி வருகின்றன.
குறிப்பாக, முதலீட்டை ஊக்குவிக்கும் அரசின் முன்முயற்சிகள் மற்றும் வரிச் சலுகைகள் காரணமாக கிரீஸ் குறிப்பிடத்தக்க முன்னேற்றத்தை அடைந்துள்ளது.
உலகெங்கிலும் உள்ள கொள்கை வகுப்பாளர்கள், முதலீட்டாளர்கள் மற்றும் வணிக நிறுவனங்களுக்கு இந்த தரவரிசை மிக முக்கியமானது.
மாறிவரும் உலகப் பொருளாதார நிலப்பரப்பைப் புரிந்துகொள்ள வழிவகுக்கிறது. போட்டி நிறைந்த உலக சந்தையில் தக்கி நிற்பதற்கு, சூழலுக்கேற்ப மாறும் திறனும், புதுமைகளை உருவாக்கும் ஆற்றலும் மிகவும் அவசியம் என்பதை இந்தத் தரவரிசைகள் எடுத்துக்காட்டுகின்றன.
