அக்டோபர் 12ஆம் தேதி மாலை, நியூ அப்பர் சாங்கி சாலையை நோக்கிச் செல்லும் சிம்ஸ் அவென்யூ ஈஸ்ட் பகுதியில் நடந்த சாலை விபத்தில் சிக்கிய இருவர் மருத்துவமனைக்குக் கொண்டு செல்லப்பட்டனர்.
சுமார் இரவு 7:40 மணியளவில் நடந்த இந்த விபத்தில், ஒரு வேன், இரண்டு மோட்டார் சைக்கிள்கள் மற்றும் ஒரு சைக்கிள் ஆகியவை ஒன்றுடன் ஒன்று மோதிக்கொண்டன. தகவல் கிடைத்ததும் காவல்துறையினரும், அவசர மருத்துவ உதவிக்குழுவினரும் உடனடியாகச் சம்பவ இடத்திற்கு விரைந்தனர்.
இந்த விபத்தில் காயமடைந்த 52 வயது சைக்கிள் ஓட்டுநரும், 53 வயது மோட்டார் சைக்கிள் ஓட்டுநரும் சாங்கி பொது மருத்துவமனைக்குக் கொண்டு செல்லப்பட்டனர்.
மேலும் ஒருவருக்கு லேசான காயங்கள் ஏற்பட்டன, ஆனால் அவர் மருத்துவமனைக்குச் செல்ல மறுத்துவிட்டார்.
