பாகிஸ்தானில் ஒருவர் தனது டீன் ஏஜ் மகளின் டிக்டாக் வீடியோக்களை பிடிக்காத காரணத்தினால் கொலை செய்ததை ஒப்புக்கொண்டுள்ளதாக பொலிசார் தெரிவித்துள்ளனர்.
25 ஆண்டுகளாக அமெரிக்காவில் வசித்து வந்த அன்வர் உல் ஹக், சமீபத்தில் தனது குடும்பத்தை பாகிஸ்தானுக்கு மாற்றினார். முதலில் அடையாளம் தெரியாத நபரே இக்கொலைக்கு காரணம் என்று காவல்துறையினரிடம் தெரிவித்த அவர், பின்னர் குவெட்டா நகரில் தனது மகள் ஹிராவை சுட்டுக் கொன்றதாக ஒப்புக்கொண்டார்.
இது பாகிஸ்தானில் வழக்கமாக நடக்கும் “கௌரவக் கொலையா” என்று போலீசார் விசாரித்து வருகின்றனர். பல பெண்கள் தங்கள் குடும்பங்களுக்கு அவமானத்தை ஏற்படுத்தியதாக நம்பும் உறவினர்களால் கொல்லப்படுகிறார்கள்.
13 அல்லது 14 வயது நிரம்பிய ஹீரா, பல வீடியோக்களை டிக்டோக்கில் பதிவிட்டு வந்தார். அவரது ஆடை, வாழ்க்கை முறை மற்றும் சமூக செயல்பாடுகளை அவரது குடும்பத்தினர் ஏற்கவில்லை என்று கூறப்படுகிறது.
ஹீராவின் தொலைபேசி இப்போது காவல்துறையிடம் உள்ளது, ஆனால் அது பூட்டப்பட்டுள்ளது. இந்த வழக்கில் அவரது தந்தையுடன் அவரது மைத்துனரும் கைது செய்யப்பட்டுள்ளார்.
