தென் கொரியாவில் செவ்வாய்க்கிழமை (பிப்ரவரி 25) நடந்த ஒரு கட்டுமான விபத்தில் குறைந்தது நான்கு பேர் உயிரிழந்தனர். இந்த விபத்து சியோலில் இருந்து 80 கிமீ தெற்கே உள்ள ஒரு பகுதியில் நடந்தது.
இதில் ஆறு பேர் காயமடைந்தனர், அவர்களில் ஐந்து பேர் கடுமையான படுகாயங்களுடன் உள்ளனர்.
விபத்து நடந்த இடத்தில், 50 மீட்டர் உயரமுள்ள ஐந்து இரும்புக் கான்கிரீட் தூண்கள் ஒன்றன் பின் ஒன்றாக சரிந்து விழுந்தன. இந்த கான்கிரீட் தூண்கள் பாலத்தைத் தாங்குவதற்காக இருந்தன.
விபத்து நேரத்தில், தொழிலாளர்கள் கிரேன் மூலம் தூண்களுக்கு இடையே கற்றைகளை நகர்த்திக் கொண்டிருந்தனர். பாலத்தின் அடியில் வேலை செய்துகொண்டிருந்த தொழிலாளர்களே உயிரிழப்பு மற்றும் காயங்களுக்கு உள்ளானார்கள்.
இந்த பாலம் சியோல்-செஜோங் விரைவுச்சாலையின் ஒரு பகுதியாக கட்டப்பட்டு வந்தது.
தென் கொரியாவின் இடைக்கால ஜனாதிபதி சோய் சாங்-மோக், 150 தீயணைப்பு வீரர்களையும், மூன்று ஹெலிகாப்டர்களையும் அந்த இடத்திற்கு அனுப்பி, முழு அளவிலான மீட்பு முயற்சிக்கு விரைவாக உத்தரவிட்டார்.
மேலும் பாதிப்பு ஏற்படாமல் இருக்க பாதுகாப்பு நடவடிக்கைகளிலும் அதிகாரிகள் கவனம் செலுத்தி வருகின்றனர்.
விபத்துக்கான காரணம் குறித்து விசாரணை நடந்து வருகிறது.
