சிங்கப்பூரில் ஒரு பெண் தன்னை திவாலானவர் போல நடித்து, ‘கடனாளிகளுக்கான அலுவலக’ (Insolvency and Public Trustee’s Office) கட்டணம் செலுத்த பணம் தேவை என்று கெஞ்சி, தன் முதலாளியிடம் இருந்து 36 லட்சத்துக்கும் அதிகமான சிங்கப்பூர் டாலர்களை ஏமாற்றி வாங்கியுள்ளார்.
இந்த பெண், லின் சார்லட் ஜேம்ஸ், 2008 முதல் 2017 வரை 2,200க்கும் மேற்பட்ட முறை தனது முதலாளியை ஏமாற்றி, அவரது வாழ்க்கை சேமிப்பு முழுவதையும் காலி செய்துள்ளார்.
இதனால் முதலாளி தனது இரண்டு வீடுகளையும் விற்பனை செய்யும் நிலை ஏற்பட்டது.
பாதிக்கப்பட்ட 69 வயது முதலாளி, லின்-க்கு உதவ தன் அண்ணன் மகளிடம் இருந்து 10 லட்சத்துக்கும் அதிகமான டாலர்கள் கடன் வாங்கியதால், தற்போது மனைவியுடன் வாடகை வீட்டில் வசித்து வருகிறார்.
மார்ச் 13 அன்று, 47 வயதான லின்-க்கு ஐந்து குற்றச்சாட்டுகளின் கீழ் 12 ஆண்டுகள் சிறைத்தண்டனை விதிக்கப்பட்டது. நீதிபதி, மாவட்ட நீதிபதி ஷான் ஹோ, இதை “இதயத்தை உடைக்கும் வழக்கு” என்று குறிப்பிட்டார்.
லின் தான் செய்த தவறை ஈடுகட்ட எதுவும் செய்யவில்லை. ஏமாற்றத்தினால் ஏற்பட்ட மன உளைச்சலால், முதலாளிக்கு பக்கவாதம் ஏற்பட்டு, புற்றுநோயுடனும் போராடி வருகிறார்.
