ஒரு கட்டுமான நிறுவனத்தின் இயக்குனர், தான் ஒரு வழக்கறிஞர் இல்லை என்பதை மறைத்து, ஏற்கனவே பணிநீக்கம் செய்யப்பட்ட முன்னாள் வழக்கறிஞர் ஒருவருக்கு அறியாமல் $13,400 செலுத்திய சம்பவம் அதிர்ச்சியை ஏற்படுத்தியுள்ளது.
லியோங் வாய் நாம் என்று அழைக்கப்படும் அந்த முன்னாள் வழக்கறிஞர், மற்றொரு நிறுவனத்திற்கு எதிரான வழக்கிற்கு சட்ட உதவி செய்து தருவதாகக் கூறினார்.
வழக்கு சம்பந்தமான ஆவணங்களை தயாரிப்பது, ஏன், நீதிமன்றத்தில் கூட வாதாடுவதாகச் சொல்லி ஏமாற்றி இருக்கிறார்.
ஆனால், பின்னர் தான் தொழில் செய்யும் வழக்கறிஞர் இல்லை என்பதை ஒப்புக் கொள்ளவே, 2018-ல் இயக்குனர் அவர் மீது காவல்துறையில் புகார் அளித்தார்.
பாதிக்கப்பட்ட இயக்குனர், லியோங்கை ஒரு நண்பர் மூலம் சந்தித்தாராம், அவர் ‘எக்விடாசியா’ என்ற நிறுவனத்தில் பணியாற்றுவதாக நம்பியுள்ளார்.
பல சந்தர்ப்பங்களில், ‘சட்ட சேவைகளுக்காக’ பணம் செலுத்தும்படி இயக்குனரை லியோங் வற்புறுத்தியிருக்கிறார்.
அதில் கடிதம் தயாரிப்பது போன்ற வேலைகளுக்கும் கட்டணம் வசூலித்துள்ளார். மற்றொரு நிறுவனத்திற்கு எதிராக வழக்கு தொடர லியோங் ஒரு சட்ட நிறுவனத்தையும் அணுகினார்.
இதன் விளைவாக அந்த வழக்கில் $45,000 இயக்குனருக்கு சாதகமாக தீர்ப்பு கிடைத்தது. ஆனால், அதை அமல்படுத்த லியோங் எந்த நடவடிக்கையும் எடுக்கவில்லை. இதனால், இயக்குனருக்கு பண இழப்பு ஏற்பட்டது.
வெற்றிகரமாக வழக்கு முடிந்துவிட்டது என்று கூறிய லியோங், பின்னர் தனது வழக்கறிஞர் அந்தஸ்து இல்லாததை ஒப்புக்கொண்டார்.
இது உடனடியாக அவரை போலீசில் புகார் செய்ய தூண்டியது. லியோங் சீனாவுக்கு தப்பியோடினார், ஆனால் 2022 இல் சிங்கப்பூர் திரும்பியபோது கைது செய்யப்பட்டார்.
இப்போது அவருக்கு ஏமாற்றுதல் குற்றத்திற்காக அதிகபட்சம் 10 ஆண்டுகள் சிறைத்தண்டனை மற்றும் அபராதம் விதிக்கப்படலாம்.
