உத்தரப் பிரதேச மாநிலம் பிரயாக்ராஜில் மகா கும்பமேளா நடைபெற்று வருகிறது. ஜனவரி 14 அன்று தொடங்கிய இந்த விழா பிப்ரவரி 26 வரை நீடிக்கிறது. உலகம் முழுவதிலிருந்தும் கோடிக்கணக்கான பக்தர்கள் இதில் பங்கேற்று, புனித நீராடி வருகின்றனர்.
இன்று மௌனி அமாவாசை தினமாக இருப்பதால், அதிக பக்தர்கள் திரிவேணி சங்கமத்தில் நீராட திரண்டிருந்தனர். இதனால் ஏற்பட்ட மிகப் பெரிய கூட்ட நெரிசலில் சிக்கி 30 பேர் உயிரிழந்துள்ளனர், மேலும் 60 பேர் காயமடைந்துள்ளனர்.
காயமடைந்தவர்களில் பலர் மருத்துவமனையில் அனுமதிக்கப்பட்டுள்ளனர். உயிரிழந்த 25 பேரின் உடல்கள் அடையாளம் காணப்பட்டுள்ளன, மற்றவர்களை அடையாளம் காணும் பணிகள் தொடர்ந்து நடைபெற்று வருகின்றன என காவல்துறை தெரிவித்துள்ளது.
