WhatsApp தனது பயனர்களுக்கு
புதிய வசதிகளுடன்!
WhatsApp தன் பயனர்களுக்கு எளிதாகவும், தனிப்பட்ட முறையிலும் தொடர்பு கொள்வதற்கான புதிய இரண்டு வசதிகளை அறிமுகப்படுத்த இருக்கிறது.
அண்மையில் வந்த Android பீட்டா பதிப்பில், ஆப்-க்கு உள்ளேயே டயல் செய்யும் வசதி தென்படுகிறது. இந்த வசதியின் மூலம் பயனர்கள் தங்கள் தொடர்புப் பட்டியலில் சேர்த்து வைக்காமலேயே, நேரடியாக WhatsApp-ல் இருந்து தொடர்பு கொள்ள முடியும்.
இது தொடர்புகளை உருவாக்குவதை சுலபமாக்கும் அருமையான வசதி.
இரண்டாவது வசதி, WhatsApp Communities -ல் உள்ள குழுக்களை மறைக்கும் வசதியாகும். இதன் மூலம், யார் குழுவைப் பார்க்க முடியும், யார் சேர முடியும் என்பதை நிர்வாகிகள் கட்டுப்படுத்தலாம். தேவைப்படும் குழுக்களை மட்டும் சமூக குழுக்களின் பட்டியலில் (Communities list) இருந்து நிர்வாகிகள் மறைக்கலாம்.
இவ்வாறு, அனுமதிக்கப்பட்ட உறுப்பினர்கள் மட்டுமே அந்தக் குழுவைத் தேடிக் கண்டுபிடித்து இணைய முடியும். இது தனிப்பட்ட முறையில் சமூகங்களுக்குள் உரையாட உதவும்.
புதிய வசதிகள் விரைவில் அறிமுகமாகும் என்று எதிர்பார்க்கப்படுகிறது. மேலும், பிடித்தமான தொடர்புகள் மற்றும் குழுக்களுக்கான வசதி, Communities-ல் நிகழ்வுகளை எளிதாக ஒருங்கிணைக்க உதவும் நேர அட்டவணை வசதி ஆகியவற்றையும் WhatsApp உருவாக்கி வருகிறதாம்.
மொத்தத்தில், WhatsApp மேலும் பயனுள்ளதாகவும், தனிப்பட்ட தகவல்களைப் பாதுகாக்க உதவுவதாகவும் மாற்றப்பட இருக்கிறது!
