சிங்கப்பூரின் அணுசக்தி தூய்மையான எதிர்காலத்திற்கான ஆராய்ச்சி மற்றும் பாதுகாப்பில் கவனம் செலுத்துகிரது!

தூய்மையான மின்சாரத்தை உற்பத்தி செய்வதில் அணுசக்தியை பயன்படுத்துவதில் சிங்கப்பூர் அக்கறை காட்டுவதன் அடையாளமாக, அது தொடர்பான தொழில்நுட்பம் மற்றும் பாதுகாப்பு ஆராய்ச்சிகளில் பெரிய அளவில் முதலீடு செய்கிறது. சிங்கப்பூர் தேசிய பல்கலைக்கழகத்தில் புதிதாக உருவாக்கப்படும் ஆய்வுக் கட்டடம் பல்வேறு அம்சங்களில் கவனம் செலுத்தும் நூறுக்கும் மேற்பட்ட ஆராய்ச்சியாளர்களை ஒருங்கிணைக்கும். இதில் சிறிய அளவிலான அணு உலைகள் மற்றும் விபத்துக்களின் போது உறுதி செய்யப்பட வேண்டிய பாதுகாப்பு நடவடிக்கைகளுக்கு முக்கியத்துவம் அளிக்கப்படும். அணுசக்தியைப் பயன்படுத்துவதற்கு முன்பு சிங்கப்பூர் தேவையான திறன்களையும் வல்லுநர்களையும் உள்ளூரிலேயே உருவாக்கிக் கொள்ள இந்த முயற்சி வழிவகுக்கும்.

இந்த ஆய்வுகளைத் தாண்டி, அணுசக்தி பாதுகாப்பு குறித்து மக்களிடையே விழிப்புணர்வை ஏற்படுத்தவும் தவறான புரிதல்களை அகற்றவும் திட்டமிடப்பட்டுள்ளது. பிரான்ஸ் மற்றும் சர்வதேச அணுசக்தி முகமை போன்ற கூட்டாளிகளுடன் இணைந்து செயல்படுவது அணு ஆராய்ச்சியில் சிங்கப்பூர் கொண்டுள்ள அர்ப்பணிப்பைக் காட்டுகிறது. இத்துறையில் ஒரு தசாப்த கால முன்னேற்றத்தை அடையாளப்படுத்தும் விதமாக, அணு இணைவு ஆற்றல் திறன்களை வளர்ப்பதில் ஒத்துழைப்புகளை மேம்படுத்த இருப்பதாக இரண்டாவது வர்த்தக மற்றும் தொழில் அமைச்சர் டான் சீ லெங் அண்மையில் அறிவித்தார்.

குறைந்த அளவு எரிபொருளிலேயே அதிக மின்சாரம், வானிலை மாற்றங்களை சார்ந்திராமை, சிறிய அளவிலான அணு உலைகள் போன்ற பாதுகாப்பு தொழில்நுட்ப முன்னேற்றங்கள் போன்ற பல நன்மைகள் அணுசக்தியில் உள்ளன. விபத்துகள் நடந்திருந்தாலும், மற்ற மின் உற்பத்தி முறைகளுடன் ஒப்பிடுகையில் அணுசக்தியின் பாதுகாப்பு சாதனைகள் பாராட்டுக்குரியவையாக உள்ளன. 2050க்குள் பூஜ்ஜிய கார்பன் வெளியீடு என்ற தன் இலக்கை அடைய அணுசக்தியை தன் மின் உற்பத்தி கலவையில் இணைத்துக்கொள்ள சிங்கப்பூர் முயற்சிக்கிறது. அந்த நேரத்தில் அணுசக்தி நாட்டின் மொத்த மின்சார தேவையில் 10% வரை பங்களிக்கும் என எதிர்பார்க்கப்படுகிறது.