சத்தீஸ்கர் மாநிலத்தில், ராய்ப்பூரிலிருந்து சுமார் 115 கிமீ தொலைவில் உள்ள பிலாஸ்பூர் அருகே, செவ்வாய்க்கிழமை இரவு ஒரு கோர ரயில் விபத்து நிகழ்ந்தது. அங்கு பயணிகள் ரயில், நின்று கொண்டிருந்த சரக்கு ரயில் மீது பயங்கரமாக மோதியது. இந்த விபத்தில் குறைந்தது 11 பேர் உயிரிழந்தனர், மேலும் 20 பேர் காயமடைந்தனர்.
விபத்தில் சிக்கிய பயணிகளை மீட்க, மீட்புக் குழுவினர் இரவு முழுவதும் கடுமையாகப் பணியாற்றினர். பயணிகள் ரயிலின் ஒரு பெட்டி, சரக்கு ரயிலின் பெட்டி மீது ஏறி நின்றதால், மீட்புப் படையினர் இரும்பை வெட்டும் கருவிகளைக் கொண்டு, சடலங்களையும் உயிருடன் தப்பியவர்களையும் வெளியே கொண்டு வந்தனர்.
உயிரிழந்தவர்களில் ரயிலின் ஓட்டுநரும் அடங்குவார். ரயிலின் பெண் துணை ஓட்டுநர் படுகாயமடைந்து மருத்துவமனையில் அனுமதிக்கப்பட்டுள்ளார்.
புதன்கிழமை காலை முதல் அந்த வழியாக ரயில் சேவைகள் மீண்டும் தொடங்கின. விபத்துக்கான காரணம் குறித்து அதிகாரிகள் விசாரணையைத் தொடங்கியுள்ளனர். பாதிக்கப்பட்டவர்களின் குடும்பங்களுக்கு இந்திய ரயில்வே நிர்வாகம் இழப்பீடு அறிவித்துள்ளது.
தினமும் லட்சக்கணக்கான மக்கள் பயணிக்கும் இந்தியாவில், ரயில் விபத்துகள் அடிக்கடி நடக்கின்றன. பெரும்பாலான விபத்துகளுக்கு மனிதத் தவறுகளோ அல்லது பழுதான பழைய ரயில் பாதைகளோ காரணமாக உள்ளன.
