வங்கிக் கணக்குகளைத் திறப்பதன் மூலம் மோசடி செய்பவர்களுக்கு உதவுதல், ஆயுதம் வைத்திருத்தல், சண்டைகளில் ஈடுபடுதல் உள்ளிட்ட பல கடுமையான குற்றங்களுக்காக சிங்கப்பூர் சிறுவன் ஒருவன் (வயது 17) நீதிமன்றத்தில் ஆஜராகியுள்ளான்.
இந்தச் சிறுவனின் நடத்தையை “அதிர்ச்சியூட்டும்” என்று வர்ணித்த நீதிபதி, குற்றம் சாட்டப்பட்டவரின் இளம் வயதையும் சுட்டிக்காட்டினார்.
சில குற்றச்சாட்டுகளை அந்தச் சிறுவன் ஒப்புக்கொண்ட நிலையில், மற்றவை நிலுவையில் உள்ளன. அவருக்கு மே மாதம் தண்டனை வழங்கப்படும்.
ஒரு சம்பவத்தில், சாதாரண விஷயத்திற்காக அந்த சிறுவனும் அவனது நண்பர்களும் இரண்டு பேரைத் தாக்கினர். மற்றொரு சண்டையில் மூன்று பேர் காயமடைந்தனர்.
கூடுதலாக, அந்தச் சிறுவன் பணத்திற்காக மோசடி செய்பவர்களுக்கு வங்கிக் கணக்குகளைத் திறந்து கொடுத்தான்.
அவர் திறந்து வைத்திருந்த கணக்கு ஒன்றுக்கு பணம் அனுப்பிய பின் ஏமாற்றப்பட்ட நபரொருவர் புகார் அளித்ததன் மூலம், குற்றச் செயலில் இச்சிறுவனின் தொடர்பு வெளிச்சத்துக்கு வந்தது.
மற்றொரு சம்பவத்தில், அந்த சிறுவன் நீதிமன்றத்திற்குள் நுழைவதற்கு முன் கத்தியை மறைக்க முயன்றான். ஆனால் பாதுகாப்பு அதிகாரிகள் இதனைக் கண்டுபிடித்து விட்டனர்.
சிறுவனுக்கு பரிசீலனை காலத்துடன் (probation) கூடிய சீர்திருத்தப் பயிற்சி அளிக்க நீதிபதி ஆலோசித்து வருகிறார்.
