அதிர்ச்சி! ஷாப்பிங் மாலில் ரூ.500,000 ரொக்கத்துடன் சூட்கேஸ் கண்டுபிடிப்பு – உரிமையாளரை தேடும் போலீஸ்.

மலேசியாவின் பெட்டாலிங் ஜெயா பகுதியில் உள்ள ஒரு ஷாப்பிங் மால் வாகன நிறுத்தத்தில் கடந்த மார்ச் 20ஆம் தேதி ரூ.500,000 (சிங்கப்பூர் $142,000) ரொக்கத்துடன் ஒரு சூட்கேஸ் கண்டுபிடிக்கப்பட்டுள்ளது.

இந்த சூட்கேஸை அந்த மாலின் பாதுகாப்பு காவலர் ஒருவர் கண்டெடுத்தார். அந்த குறிப்பிட்ட இடத்தில் கண்காணிப்பு கேமராக்கள் இல்லாவிட்டாலும், அருகிலுள்ள பகுதிகளின் கண்காணிப்பு கேமரா பதிவுகளை போலீசார் ஆய்வு செய்து வருகின்றனர்.

சூட்கேஸின் உண்மையான உரிமையாளர் சரியான ஆதாரங்களுடன் முன்வர வேண்டும் என்று போலீசார் வலியுறுத்துகின்றனர்.

பணத்தை யாரும் உரிமை கோராவிட்டால், அரசாங்கத்திடம் ஒப்படைக்கப்படும் என்றும் அவர்கள் எச்சரித்துள்ளனர்.

இளஞ்சிவப்பு மற்றும் வெள்ளை நிறத்தில் இருந்த அந்த சூட்கேஸில், ரூ.100, ரூ.50 மற்றும் ரூ.10 நோட்டுகளாக அந்த பணம் இருந்தது. இந்த பணம் உண்மையானது என்று கருதப்படுகிறது.

மார்ச் 21ஆம் தேதி வரை, அந்த சூட்கேஸுக்கு யாரும் உரிமை கோரவில்லை. இந்த ரொக்க நோட்டுகள் உண்மையானவையா என்பதை மத்திய வங்கியுடன் சரிபார்க்க போலீசார் திட்டமிட்டுள்ளனர்.

சூட்கேஸின் உரிமையாளர் முன்வந்து பெரும் பணத்தை மீட்கும் வரை, விசாரணை தொடரும்.

image credit The independent